26. mars 2007

Saga Capital er nýr Vinur Hlíðarfjalls

Saga Capital hefur gengið til liðs við þau 12 íslensku fyrirtæki sem áður höfðu gert samstarfssamning við Akureyrarbæ um uppbyggingu og rekstur snjóframleiðslukerfis í Hlíðarfjalli. Guðmundur Karl Jónsson, forstöðumaður Hlíðarfjalls, segist vera mjög ánægður með að fyrirtæki eins og Saga Capital, sem er að stíga sín fyrstu skref í íslensku atvinnulífi, skuli taka þátt í þessu metnaðarfulla verkefni sem geri fólki kleift að skemmta sér á síðum meirihluta vetrarins.

„Við erum mjög ánægðir með þá uppbyggingu sem átt hefur sér stað í Hlíðarfjalli og teljum Fjallið eina rétta staðinn fyrir Vetraríþróttamiðstöð Íslands. Það gleður okkur því að geta komið að þessu málum með þessum hætti og við hlökkum mikið til samstarfsins,“ segir Þorvaldur Lúðvík Sigurjónsson, forstjóri Saga Capital, og bætir við að í tilefni af þessum tímamótum ætli Saga Capital að bjóða gestum Hlíðarfjalls upp á heitt kakó alla páskana.

Aðrir Vinir Hlíðarfjalls eru: Baugur Group, Hf. Eimskipafélag Íslands, Flugfélag Íslands, Glitnir, Greifinn, Höldur ehf., Icelandair Group, ISS Ísland, KEA, Landsbankinn, SBA-Norðurleið og Sjóvá.