14. desember 2006:
Tveir nýir snjótroðarar keyptir til notkunar í Hlíðarfjalli

Vetraríþróttamiðstöð Íslands hefur fest kaup á tveimur snjótroðurum, frá fyrirtækinu Kässbohrer AG, til notkunar á skíðasvæðinu í Hlíðarfjalli. Fyrri troðarinn, sem er af gerðinni PistenBully 300 Kandahar, verður afhentur í janúar nk. en hinn, PistenBully 300 ParkBully, verður afhentur haustið 2007.
     Guðmundur Karl Jónsson, forstöðumaður svæðisins, segir að þegar troðararnir verða komnir í notkun þá verði hægt að troða meiri snjó á styttri tíma og þar af leiðandi verða þeir fljótari að vinna brekkurnar. “Troðarinn sem við fáum næsta haust er mjög góður í sambandi við pallagerð og slíkt fyrir snjóbrettafólk. Þannig að við munum eiga auðveldara með að útbúa skemmtilegar brautir og svæði fyrir þá sem eru á brettunum.”
     Eins og áður segir verður fyrri troðarinn afhentur í janúar nk. og þá verður meira sagt frá tækinu, en á heimasíðunni www.pistenbully.com má lesa ýmsar upplýsingar um þessa nýju troðara.

PistenBully 300 Kandahar

PistenBully 300 ParkBully

PistenBully 300 Kandahar

PistenBully 300 Parkbully

PistenBully 300 ParkBully