Fréttir: Námskeið í Curling

14. desember 2001:
Undanfarna viku hafa dvalið á Akureyri kanadísk hjón í þeim tilgangi að halda námskeið í curling á vegum Skautafélags Akureyrar. Nokkur hópur fólks á Akureyri stundar þessa skemmtilegu íþrótt að staðaldri en hún nýtur mikilla vinsæla víða erlendis......
Kennararnir á námskeiðinu, Delores Cordner og Ian Cordner, standa bæði framarlega greininni og hafa m.a. orðið bandarískir meistarar. Þau eru búsett í Bandaríkjunum en eru frá Kanada og Delores er reyndar á vestur-íslenskum ættum. Námskeiðið tókst afar vel í alla staði og mun væntanlega leiða til þess að iðkendahópurinn á Akureyri fer stækkandi.

Í curling er 20 kílóa sérslípuðum granítsteinum rennt eftir svellinu sem fengið hefur sérstaka meðhöndlun áður. Steinunum er rennt í svokallaða heimahöfn og gengur keppnin út á að láta þá stöðvast sem næst miðju. Fjórir eru í hverju liði og fær aðeins annað liðið stig í hverri umferð, þ.e. það lið sem á steininn næst miðju. Þess má geta að curlingfólk á Akureyri er að vinna í að koma upp heimasíðu sem verður hægt að nálgast af heimasíðu Skautafélags Akureyrar. Meðfylgjandi myndir voru teknar á námskeiðinu.

Smellið á myndirnar til að sjá þær stærri.

Steinarnir í Curling eru 20 kílóa sérslípaðir granítsteinar.
Sópurinn er notaður ef keppendum finnst steinnin fara helst til hægt. Sópað er af miklum móð fyrir framann hann til að fá vatnsfilmu á svellið.
Steinninn lagður af stað.
Menn bera sig fagmannlega að.
Sópað af miklum móð.
Hvaða steinn skyldi nú vera næst miðju?
Liðsandinn í lagi.
Delores gefur góð ráð.
Kennararnir á námskeiðinu, Delores Cordner og Ian Cordner.
Stoltur hópur.