1. september 2006:

Fleiri myndir frá framkvæmdum í Hlíðarfjalli

 

 

Undanfarið hefur Hermann Sigtryggsson tekið margar myndir af framkvæmdum í Hlíðarfjalli og nokkrar þeirra eru komnar hér á heimasíðuna. Lokið er jarðvinnu vegna snjógerðarkerfisins svo að hægt verður að nota það með fullum afköstum í vetur. Myndirnar eru teknir á tímabilinu 18. til 29. ágúst sl.

 

Myndir teknar 18. og 19. ágúst sl.
Hér er verið að grafa frárennslisskurð úr væntanlegu uppistöðulóni í Hlíðarfjalli. Undirverktaki frá Sauðárkróki, Vinnuvélar Símonar Skarphéðinssonar annast það verk ásamt fleiru sem það fyrirtæki vinnur á vegum G.Hjálmarssonar á Akureyri.	Unnið við frárennslislögn úr lóninu.	Símon Skarphéðinsson eigandi Vinnuvéla frá Sauðárkróki í einni af vinnuvélum sínum.
Séð úr frárennslisskurðinum inn í lónið.	Unnið við frárennslislögnina að dæluhúsinu.	Starfsmenn frá Sauðárkróki. Fv. Símon Skarphéðinsson, Sigurjón Leifsson, Fjólmundur Fjólmundsson og Ægir Örn Ægisson.
Vatn í lónið verður aðallega tekið úr tveimur lækjum. Hér er Guðmundur Guðmundsson, verkstjóri í Hlíðarfjalli að vinna við tvær stórar fyrirstöðublokkir sem settar verða í lækina og vatnið síðan leitt frá þeim í lónið.	Á föstudögum gera starfsmenn Hlíðarfjalls sér gjarnan dagamun og grilla þá í hádeginu. Fv. Guðmundur Guðmundsson verkstjóri, Örn Þorsteinsson rafvirki og Brynjólfur Magnússon gröfumaður.	Viðbótarbygging við áhaldageymslu í Hlíðarfjalli gengur vel.
Hér er efni sem notað verður í snjógirðingar sem settar verða upp í haust.  Skíðagöngumenn hafa aðstoðað starfsmenn Hlíðarfjalls við uppsetningu þeirra.
Myndir teknar 23. ágúst sl.
Gröfustjórinn, Sigurður Freyr Emilsson, kominn með tæki sitt efst í Strompbrekkuna.	Byrjað að grafa fyrir vatnslögninni efst í Strompbrekkunni. Haldið af stað niður í mesta brattann.Hér er verið að grafa frárennslisskurð úr væntanlegu uppistöðulóni í Hlíðarfjalli. Undirverktaki frá Sauðárkróki, Vinnuvélar Símonar Skarphéðinssonar, annast það verk ásamt fleiru sem það fyrirtæki vinnur á vegum G.Hjálmarssonar á Akureyri.	Strompbrekkan er mjög brött og eins gott að kunnáttumenn séu á þeim stóru tækjum sem notuð eru við verkið.
Vinnuvélin að nálgast mesta brattann í Strompbrekkunni.	Útsýni úr efri hluta Strompbrekkunnar.	Grafan fikrar sig niður eftir Strompbrekkunni.
Unnið að röralagningu.	Unnið að röralagningu.	Símon Skarphéðinsson í miðri Strompbrekkunni að leggja vatnsrörin.
Byrjað var aftur þar sem frá var horfið í fyrrahaust. Skurðir fyrir vatnsleiðslur grafnir upp Strompbrekkuna þar sem settir verða vatnsstútar fyrir snjógerðarvélarnar.
Myndir teknar þann 25. ágúst sl.
Starfsmenn G. Hjálmarssonar h.f. eru hér að klára frágang við veg upp að uppistöðulóninu. Einnig var borið malarlag á veg umhverfis uppistöðulónið. Ýtustjóri er Jón Jóhannsson.	Jón á ýtunni og Teitur Viðarsson stjórnar bílnum.	Þórður Hjörleifsson bílstjóri hjá G. Hjálmarssyni.
Haukur Pálmason brá sér á valtarann.	Malarnáma sunnan forstöðvar Hjallalyftu. Í baksýn er brekkan norðan stólalyftunnar en þar hefur verið sáð grasfræi og áburður borinn á og eru brekkurnar nú grænt yfir að líta.
Myndir teknar 28. og 29 ágúst sl.
Hér er verið að leggja síðustu leiðslurnar og moka yfir skurðina í Strompbrekkunni.	Símon við einn úttaksbrunninn sem verið er að setja niður í skurðinn.	Skurðurinn er vel nýttur, því auk vatnslagna er lagður rafmagnskapall fyrir ljósin á þessu svæði og ljósleiðari vegna tímatöku á skíðamótum.
Ekki má tæpara standa með þetta verk vegna veðurs, því rignt hafði í fjallinu og þegar þessi mynd var tekin var kominn allmikill éljagangur og fjallatopparnir farnir að hvítna. Starfsmenn Vinnuvéla frá Sauðárkróki sögðust ljúka þessu verki um kvöldið.	Starfsmenn Hlíðarfjalls hafa í mörgu að snúast þessa dagana og eru að undirbúa veturinn af kappi. Hér eru Guðmundur Guðmundsson verkstjóri og Valdimar Ólafsson verstæðisformaður.