Nú er að verða vetrarlegt í Hlíðarfjalli en snjórinn tefur þó í engu framkvæmdir við nýju stólalyftuna. Ef áfram bætir á snjóinn gæti hins vegar farið að styttast í upphaf skíðavertíðar.
      Öll möstrin fyrir nýju stólalyftuna eru nú risin, steypuvinnu er lokið og verið er að vinna við endastöðvar. Í vikunni er von á síðustu sendingunni frá framleiðanda stólalyftunnar og vegur hún samtals 75 tonn. Ráðgert er að uppsetningu verði lokið 15. desember nk.  Meðfylgjandi myndir voru teknar í blíðvirðinu í síðustu viku og tala sínu máli.

Smellið á myndirnar til að sjá þær stærri.