Fréttir: Allir stólar komnir á sinn stað

17. desemberber 2001:
Nýja stólalyftan í Hlíðarfjalli er nú nánast tilbúin. Fyrir helgina var lokið við að koma stólunum fyrir á vírnum og því má segja að aðeins séu stillingaratriði eftir. Verkið hefur gengið að óskum og eru fulltrúar Doppelmayr, framleiðanda lyftunnar, yfir sig hrifnir af vinnubrögðum íslensku starfsmannanna. Síðar í vikunni mun lyftan verða afhent formlega en eiginleg vígsla hennar bíður hentugra tækifæris og ræðst m.a. af snjólalögum.

Meðfylgjandi myndir voru teknar þegar verið var að koma stólunum fyrir. Smellið á myndirnar til að sjá þær stærri.

Komið með stólana.	Stóll nr. 1.
Hér má sjá aðkomuna að lyftunni. Til að þægilegra sé að fara í lyftuna, stíga skíðamenn fyrst á eins konar færiband sem flytur þá á réttan stað áður en stóllinn kemur.	Hér sést upphafsstöðin og færibandið frá öðru sjónarhorni.
Stólarnir skrúfaðir á sinn stað.	Upphafsstöðin séð ofan úr brekkunni.
Smári Einarsson að koma stól fyrir á vírnum.	Hér má enn sjá færibandið sem skíðafólk stígur á áður en það sest í stólinn.
Skálað fyrir vel heppnuðu verki.	Þessir fimm eiga hver á sinn hátt verulegan þátt í að draumurinn um nýja stólalyftu í Hlíðarfajalli er að rætast. Talið frá vinstri: Óðinn Árnason, driffjöður í skíðamálum á Akureyri í áratugi; Ívar Sigmundsson, fyrrum forstöðumaður Skíðastaða og umboðsmaður Doppelmayr; Smári Einarsson, verkstæðisformaður Skíðastaða; Kurt Vogelmayr, fulltrúi Doppelmayr og Hermann Sigtryggsson, fyrsti framkvæmdastjóri VMÍ og fyrrum íþrótta- og tómstundafulltrúi á Akureyri.

[ Til baka ]