7. desember 2005

Vígsla snjóframleiðslukerfisins í Hlíðarfjalli

 

Laugardaginn 10. desember nk. fer fram vígsla á snjóframleiðslukerfnu í Hlíðarfjalli. Athöfnin sem fer fram við Fjarkann hefst kl. 11:00 og mun Lúðrasveit Akureyrar leika jólalög. Opið verður í fjallinu milli kl 10.00 og 17.00 og hægt að fara frítt í allar lyftur þennan dag.

 

Dagskrá laugardaginn 10. desember

Kl. 10:00-17:00  Skíðasvæðið opið í boði Akureyrarbæjar

Kl. 11:00           Snjóframleiðslukerfið í Hlíðarfjalli vígt

                       Lúðrasveit Akureyrar leikur jólalög

Kl. 11:30-16:00  Snjóframleiðslubúnaðurinn til sýnis

Kl. 11:30           Veitingar í boði Akureyrarbæjar og

                       Vetraríþróttamiðstöðvar Íslands

Kl. 11:45           Almenningssvigkeppni SKA og Útilífs

 

Kl. 17:00-19:00  After Ski í Strýtu,

                       (Skíðasúpa og kakó) í boði SKA

 

Kl. 21:30           Skíðapartý á Vélsmiðjunni á vegum SKA

 

Snjóframleiðslukerfið

Á árinu hefur verið unnið hörðum höndum að uppsetningu snjóframleiðslukerfisins í Hlíðarfjalli. Kerfið er að gerðinni Sufag og eru slík kerfi í notkun víðsvegar í heiminum. Snjóframleiðslan byggir á að vatni er dælt undir þrýstingi að snjóbyssum, sem síðan þeyta vatninu upp í loft þar sem það kristallast og fellur til jarðar sem snjór. Til að hægt sé að framleiða snjó þarf lofthiti að vera undir frostmarki þ.e. að lágmarki -1°c.

Vatnsöflun: Vatni úr lækjum er veitt í uppistöðulón sem er um 18.000 m3

Dæluhús: Vatninu er dælt með tveimur lágþrýstum dælum í gegn um vatnssíu sem hreinsar vatnið. Þaðan fer svo vatnið í tvær öflugar háþrýstidælur sem geta dælt 4.800 lítrum á mínútu um lagnakerfið.

Lagnakerfið: Vatnslagnir verða um allt fjall alls um 2.600 metra. Búið er að setja upp um 30 tengistúta fyrir snjóbyssur þar sem eru vatnskranar og rafmagnstenglar.

Snjóbyssur: Í fyrsta áfanganum voru keyptar 7 byssur til framleiðslunnar en þær eru færðar á milli tengipunkta með snjótroðara. Hver getur búið til snjó úr allt að 600 lítrum af vatni á mínútu.