Fréttir
VMÍ
Fullkomnasta stólalyfta landsins kemur í Hlíðarfjall
Bæjarráð Akureyrar hefur heimilað að gengið verði til viðræðna við fyrirtækið Doppelmayr um kaup á nýrri stólalyftu í Hlíðarfjall.
26. mars
2000:
Strýta
tekin í notkun
Skoða
nánar
26. mars
2000:
Byggingarsaga skautahallar
Hér getur þú skoðað í máli og myndum byggingu skautahallar á Akureyri.
Skoða nánar
23. apríl 1999
Opnuð voru tilboð í Skautahús við Naustaveg þann 23. apríl 1999. Eftirfarandi
tilboð bárust:
Ístak h.f. 276.528.440.- kr. SJS verktakar 192.942.792.- kr. SJS verktakar, frávikstilboð 160.576.824.- kr. Arnarfell ehf. 244.348.245.- kr. Ármannsfell ehf. 268.175.707.- kr.
Tekið var lægsta tilboðinu sem
var frávikstilboð SJS verktaka.
22. júní 1999
Fyrsta skóflustunga að nýja skautahúsinu við Naustaveg á Akureyri var tekin
22. júní 1999.
Bæjarstjórinn á Akureyri Kristján Þór Júlíusson
flutti ávarp en síðan tók hann og tveir af heiðursfélögum Skautafélags Akureyrar
þeir Guðmundur Pétursson og Ingólfur Ármannsson fyrstu skóflustungurnar.
Að því loknu tók formaður Skautafélags Akureyrar, Magnús E. Finnsson til máls.
Lét hann í ljós ánægju sína með þann áfanga sem nú hefði náðst í
byggingarmálum skautahúss á Akureyri og óskaði verktökum alls góðs við byggingu
þessa langþráða mannvirkis.
Mynd: Fyrstu skóflustungurnar.
Fv. Kristján Þór Júlíusson, bæjarstjóri
Akureyrarbæjar, Guðmundur Pétursson
og Ingólfur Ármannsson heiðursfélagar Skautafélags Akureyrar.
Í baksýn: Eiríkur B. Björgvinsson íþrótta og tómstundafulltrúi Akureyrar og
Guðmundur Guðlaugsson yfirverkfræðingur Akureyrarbæjar
Áætlað er að húsið verði fullbúið í lok mars 2000
og lóð frágengin sumarið eftir.
Gert er ráð fyrir að húsið verði komið undir þak um miðjan oktober 1999 og í
það komin loftræsing og lýsing og að þá verði hægt að taka svellið í notkun
fyrir æfingar.
15. júní 1999
Bygging nýrrar Strýtu í Hlíðarfjalli við Akureyri.
Við efri endastöð stólalyftu í Hlíðarfjalli er þjónustumiðstöð fyrir skíðafólk sem heitir Strýta. Hluti hennar hefur nú verið rifinn og í sumar á að byggja nýja Strýtu, kjallara og tvær hæðir. Í kjallara verður snyrtiaðstaða, spennistöð og geymslur. Á jarðhæð verður veitingaaðstaða, eldhús og rúmgóður salur og á efri hæð verður aðstaða fyrir tímatöku á skíðamótum, vinnu og fundaherbergi.
Nýja Strýta verður Rússneskt bjálkahús 120 fermetrar að grunnfleti.
Strax og snjóa leysir, svo hægt sé að fara með vinnuvélar á staðinn verður hafist handa við byggingu hússins. Kjallarinn verður steyptur og verður mikil vinna við að koma honum upp þar sem flytja þarf allt efni og steypu um grófan veg upp brattar brekkur frá Skíðahótelinu og upp í Strýtu. Bjálkahúsið kemur hingað til lands tilsniðið og gera má ráð fyrir að byrjað verði að reysa það seinnipartinn í september.
Áætlað er að húsið verði tilbúið um áramót 1999/2000
28. júní 1999
Úttekt á brautum fyrir risasvig og brun í Hlíðarfjalli.
Þann 10. júní 1999 barst Skíðastöðum bréf frá
Alþjóða skíðasambandinu ásamt skírteinum um fullgildingu skíðabrauta í
Hlíðarfjalli fyrir risasvig (Super-G) og brun (Downhill).
Áður er búið að taka út skíðabrautir fyrir svig og stórsvig.
Úttektina í Hlíðarfjalli fyrir risasvig og brun annaðist Asle Bergström frá Noregi
í febrúar 1998. Skírteinin eru undirrituð þann 28. maí 1999 af Walter Trilling hjá
alþjóða skíðasambandinu í Sviss.